للهدية معنى عميق ، يختصر كلمات كثير ..

اختيارنا للهدية المناسبة حيساعدنا نعبر عن نفسنا و أكيد زي ما كلنا عارفين اختيار الهدية ابدًا مو سهل

عشان كذا كتبنا لكم 6 نصائح بسيطة تساعدكم تختاروا هداياكم بكل حب ..

1- الفكرة من الهدية ..

ايش الفكرة أو الرسالة اللي حاب توصلها لمستلم الهدية ؟

لما تكون عندك رسالة واضحة حيسهل عليك اختيار الهدية ..

مثلًا :تبا تبين لصديقك إنك دائمًا معاه..أو تشجعي أختك في مسيرتها المهنية..

أو حاب ترحب بالجار الجديد..

2- جهز القائمة ..

جهز قائمة بسيطة بالأشياء اللي ممكن توصل رسالتك و مشاعرك ..

من المهم في النقطة هذه إننا نفكر في شخصية المُهدى ، ايش يحب ،

ايش ألوانه المفضلة ، و ذوقه ..

ما ينفع تهدي صديقك اللي يحب الرسم كتاب عن الطبخ مثلًا ..

3- إيش يحتاج ؟ ..

فكر في الأشياء اللي يحتاجها صاحب الهدية ،أو حاجة متأكد إنها حتساعده و تفيده ..

4- حدد ميزانيتك ..

حاول تكون ميزانيتك واضحة لك عشان تعرف تبحث عن إيش و فين تبحث ..

حيختصرلك وقت كثير

5- خليك مبدع ..

لا تفكر على طول في الهدايا التقليدية خلي اختياراتك مميزة..

حاجة تبين انك تعبت عشان تختار الهدية المناسبة..

6- خليها بسيطة ..

الهدايا البسيطة دائمًا غير ،لأن الجمال موجود في البساطة

نتمنى نكون أفدناكم و سهلنا عليكم اختيار هداياكم المناسبة لأشخاصكم المفضلين .. ♥️

و من مبدأ ” تهادوا تحابوا ” غذوا علاقاتكم بالهدايا ،

لأن الهدايا تروي القلوب